General Santos City—gi-andam na karon sa Police Station 3 ang kasong carnapping batok sa usa ka Jovern Olivar Estobo alyas Pawik, 25 anyos ug nanimuyo sa phase 2, Purok Placida, Barangay Calumpang ning syudad human masikop niadtong milabay nga adlaw.
Sumala pa ni Police Major Rexor Canoy ang tigpamaba sa General Santos City Police Office nga nasikop ang nasangpit alas 4:40 ang takna sa hapon human nga gisuwayan niini ug kawat ang motorsiklo sa biktima nga si Elvie Amor Rio sa Tiongson Arcade, Barangay Lagao.
Nabilin matud pa sa biktima ang susi sa motorsiklo niini dihang misulod kini sa iyahang trabahuan sa maong lugar, tungod niini nakakita ug higayon ang suspect nga kuhaon ang motorsiklo.
Maayu nalang nga nakit-an sa biktima nga gisakyan na sa suspek ang iyahang motor hinungdan nga ilang gipugngan dayon gireport sa kapulisan.
Gibutyag usab ni Major Canoy nga basi sa impormasyon nga gihatag kaniya sa Police Station 3 ang maong suspect ang adunay kalambigitan sa mga pag panalisi sa ilahang area kung asa nagapamiktima kini ug mga tawo nga busy sa ilahang ginbuhaton.
Dugang pa ni Major Canoy nga basi sa nahimong imbistigasyon migula nga ang nahisgutan suspect ang kanhi nang nasikop ug nabalhog sa bilangguan partikular na sa Gensan City Reformatory Center gumikan sa kasong may kalabutan sa iligalnga droga.
Nakagawas matud pa sa Prisohana ng nasampit niadtong bulan sa Pebrero apan subling namonitor sa kapulisan nga nibalik sa iligal niining gimbuhaton.(Dave Silagan)
