PNP Gensan may mahimangno sa katawhan nga biktima sa investment Scheme

13

General Santos City—Nananghimangno karon si Police Major Rexor Canoy ang tigpamaba sa General Santos City Police Office ngadto sa mga biktima sa mga investment scheme nga dunay plano nga ransakon ang panimalay sa ilahang ahente, coordinator o founder aron lang nga mabawi ang ilahang kwarta nga dili kini dayunon.

Sumala pa ni Major Canoy nga supak kini sa balaod bisan matud pa nga ingnon nga sila biktima tungod kay aduna matud pay due process.


Mas maayo matud pang inay mangransack, muduol nalang sa buhatan sa kapulisan ug ireklamo ang mga nangilad kanila aron nga mapasakaan ug kaso.

Dugang pa ni Canoy nga usa ka dakong risgo alang sa mga investors kung ilang agion sa santong paspasan ang pagsingil sa mga tawong nangilad kanila gumikan pwedi silang sumbalikan hilabi na kung adunay ebidensya sama sa video Picture ug uban pa.

Mas maayo nalang himuon sa mga biktima mao ang pag agi sa legal nga lakang aron nga mapatubag ang mga mangingilad nga nangscam ngadto kanila. (Dave Silagan)

Facebook Comments

From Advertisers