Sa pakighinabi sa DXDC RMN Davao Marilou Sumagpao, iyang gibutyag nga nagpaalim na karon ang iyang batan-ong anak nga giila lamang nga si Jaz human gitadyakan sa likod sa tulo ka wala mailhing mga lalaki samtang igo lang nag-wifi gawas sa ilang panimalay sa Monkayo, Davao de Oro.
“11:30 pm to kapin nahitabo giduol siya ug tulo ka lalaki nag ninja ang mga nawong dayon gitadyakan ang likod.. busa kamo mga kabatan onan ayaw najud mog gawas basta gabie na kay ang kalibutan karun daghan na kaayo mga dli maayo nga panghitabu,” tipik pa sa pamahayag ni Marilou.
Mapasalamaton gihapon ang maong inahan sa iyang post tungod taliwala sa nasinati sa anak, wala kini dunggaba o bunali sa ulo sama sa ilang gikabalak-an.
Gani kini nahimong sumbanan sa ubang ginikanan diin gipang-mention nila ang ilang anak aron magmatngon ug maminaw sa ilang tambag nga dili na mugawas pa kung lawom na ang gabii.
RadyoMan Ivy Parido
