Lalaking nagbaklay gipusil-patay

104

Davao City – Patay ang usa ka lalaki human gipusil alas 7:50 sa buntag sa Silver St. Mineral Village, Circumferential Road Barangay 19-B siyudad sa Davao.

Subay sa spot report gikan sa San Pedro Pnp naila ang biktima nga usa ka Mark Anthony Tolentino, 30 anyos, naga instalar og atop, nitibo nga taga San Fernando Pampanga ug kasamtangang residente sa Bajada sakop sa nahisgutang barangay.

Sa gihimong imbestigasyon sa kapolisan, samtang ang biktima nagbaklay padulong sa iyang trabaho kalit kini gipusil sa duha ka wala mailhing suspetsado igo sa ulo, likod ug sa walang gusok nga bahin niini resulta sa hinanaling kamatayon ni Tolentino.

Human sa insidente ang mga suspek daling misibat sa wala matino nga direksyon.

Sumala sa asawa sa biktima nga si Jocelyn Tolentino nga sa wala pa nahitabo ang pagpamusil dunay hulga nga patyon ang biktima pinaagi sa mga text messages kalabutan sa trabaho gikan sa wa maila nga cellphone number.

Dugang imbestigasyon sa kapolisan nga daghan nagmulo nga mga kliyente sa biktima gumikan igo lang kini mokuha og bayad sa kontrata sa iyang trabaho apan dili niya ginahuman ang iyang trabaho.

Samtang ang SOCO nagpahigayon og parallel investigation sa pagpanguna ni Police Chief Inspector Armando Calido Jr.

Nakuha gikan sa crime scene ang duha ka basiyo sa bala sa .45 caliber pistol ug duha ka deformed fired bullet.

Samtang ang patayng lawas sa biktima gihaya na sa Angel Funeral Home ning dakbayan.

Radyoman Don Pulayao

Facebook Comments