General Santos City- samdan ang usa ka lalaki human kining gidunggab sa iyang kainum samtang anaa sa lamay sa Ladera Funeral Homes nga nahimutang sa Lungsod sa Polomolok, South Cotabato.
Biktima giilang si James Villaruz, 26, single, residente sa Adelfa Street, Barangay Poblacion. Suspek sa pagpanunggab giilang silang Jay-ar Casiple ug Jomer Ocenar, pulos residenti sa samang lungsod.
Sa report sa Polomolok Municipal Police Station nasuta nga magkaubang nag inum ang biktima ug ang mga suspetsado sa lamay sa ilang higala, apan dihang nangahubog na ang lalis ang mga nasangpit nga misangko sa pagpanunggab.
Gilayong misibat ang duha ka mga suspek samtang ang biktima gidala sa ospital human nga nakaangkon ug samad sa iyang abaga. Sa karon padayon ang gihimong imbistigasyon sa kapulisan kalabutan sa nasangpit nga insidenti.
