Lalaking naligo sa irrigation canal nalumos-patay

103
Davao City – Walay foul play nga nakita ang Magysaysay Municipal Police Station (MPS) sa pagkalumos patay sa usa ka lalaki sa Purok Saranay, Barangay Blocon, Magsaysay, Davao del Sur pasado alas 9:00 sa buntag niadtong Miyerkules (June 22, 2022).

Sa interbyu sa DXDC RMN Davao kang Police Master Sergeant (PMSgt) Ernesto Monter Jr. sa Magsaysay MPS, giila niini ang biktima nga si Rosilito Cloma Dian, 40 anyos, ulitawo, residente sa Purok Waling-Waling, Katipunan, Matanao, Davao del Sur.

Saysay sa pulis, adunay deperensya sa panghuna-huna ang biktima ug nag-inusara kining naligo sa sementadong irrigation canal sa ilang lugar diin didto kini aksidenteng nalumos.

“The victim immediately brought by the personnel of Magsaysay rescuers at the Magsaysay Medical Health Center but he was pronounced dead on arrival,” saysay ni Monter.

Pahimangno sa awtoridad, kanunay nga bantayan ang mga miyembro sa pamilya ilabina kung dili stable ang mental health niini.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments