General Santos City–Luwas na sa makuyaw nga kahimtang ang collector nga gipusil sa duha ka wala mailhing suspek nga si Angelito Empasis nga nagpabiling nag-paalim sa ospital Kansa naka-angkon ug igo pinusilan sa tuong bahin sa iyang abaga.
Pagbutyag ni Police Major Richard Ybañes, labaw saTambler Police Station nga robbery ang nakita nilang motibo sa pagpusil sa mga suspek ngadto na sa biktima tungod sa trabaho niini isip collector.
Matud pa ni Ybañes nga gibabagan ang biktima sa duha ka suspek samtang sakay kini sa motorsiklo pasulod sa usa ka storage sa ice plant sa Barangay Tambler, dihang nakamatikod ang biktima nga dautan ang tumong sa mga suspek kalit niining gibiyaan ang motor ug midagan hinungdan kini napusilan.
Gitin-aw pa ni Ybañes nga wala pa nailhan ang mga suspek gumikan kay dili Makita ang mga hitsura niini kay layo ra sila sa cctv nga gimuntar sa lugar.
Wala man usab nakuha ang motor sa biktima ingon man kwarta tungod kay nabulabog sa mga tawo ang panghitabo rason nga daling misibat ang mga suspek sakay sa motorsiklo.
Sa karon padayon pang gina-ila sa kapulisan ang mga suspek aron sa daling panahon masikop kini ug manubag sa balaod ug aron usab mahatagan ug hustisya ang biktima. (RV)
