Sa interbyu sa DXDC RMN Davao kang Police Captain Rizalito Clapiz lll, Deputy Chief sa Sta Ana Police Station gibutyag niini nga ang suspek mitulis sa usa ka fish vendor niadtong Marso 22, 2023 sa Piapi, Quezon Boulevard ug na-identipika kini sa CCTV.
Segun ni Clapiz kalit nga namusil ang suspek sa mga operatiba dihang miadto kini sa ilang panimalay apan abtik nga nibalos ang kapulisan.
Daling gidala ang suspek sa SPMC apan nakabsan dayon kini sa iyang kinabuhi.
Nakuha sa SOCO Team ang usa ka .38 revolver, usa ka basiyo bala ug laing tulo ka basiyo sa cal.9mm nga pistola. Lakip nakuha ang sa suspek ang mga illegal nga droga nga mokantidad og kapin 10,000 pesos.
Gidugang ni Clapiz ang maong suspek usa ka R.A.T.S TUGIS nga personalidad sa maong istasyon tungod sa pagkalambigit niini sa sunod-sunod nga insidente sa pagpanulis og pagkawat nga nahitabo sulod sa dakbayan ilabi na sa area sa Boulevard.
RadyoMaN Don Pulayao
