*Napriso sa Opol Police Station ang usa ka Ricky Berjame Calimpong, 41 anyos nga taga-Tukuran, Zamboanga del Zur.*
*Kini human namatikdan sa mga residente ang kadudahang lihok niini sa Barangay Barra, Opol, Misamis Oriental. *
*Tungod niini, milihok gilayon ang kapolisan sa Opol Municipal Police Station ug nasikop ang suspek human nagpatabang ang mga residente.*
*Nakuha gikan kang Calimpong ang armas nga kalibre 357 nga walay serial number ug adunay lima ka buhing bala, usa ka cellphone, kolor itom nga bonnet, jacket ug motorsiklo. *
*Mag-atubang sa kasong illegal position of firearms ang suspek.*
*Matud ni Police Senior Supt. Rolando Destura, ang Provincial Police Director nga gikalipay niya ang accomplishment nga susama niini.*
*Kini tungod kay gilayong napugngan ang unsa mang dautang plano sa suspek sa maong dapit.*
*By: Kasamang Ellah Baculio*
