Hindi na pumalag pa ang isang lalaking naaktuhan na nagbebenta ng ipinagbabawal na droga sa isang police asset matapos ikasa ang buy-bust operation sa kahabaan ng Maligaya Street Extension Brgy. Napindan, Taguig City pasado alas-2:30 kaninang madaling araw.
Nakilala ang suspek na si Jumar Canatbat Castriciones, alyas Andrew, 44-anyos at residente ng nasabing lugar.
Nakuha ng mga pulis mula sa suspek ang limang gramo ng shabu na may katumbas na halaga na ₱34,000.00.
Maliban dito, na-rekober din ng mga pulis ang ₱200.00 na ginamit bilang buy-bust money at isang cellphone na hinihinalang ginagamit sa pakikipag-transaksyon ng suspek sa kanyang mga parokyano.
Nakakulong na ang suspek sa Taguig City Custodial Male Facility at nahaharap ito sa kasong paglabag sa Republic Act 9165 o Comprehensive Dangerous Drugs Act of 2002.
