Inahan wala kasagang sa lalom nga binisaya sa modules
Wala ka pugong ang usa ka inahan, mi post kini sa facebook tungod sa sumala pa kalalom sa pulong BISAYA nga gigamit sa Department of Education alang sa module sa mga bata gamit ang mother tongue.
” DepEd.. Why mother tongue… We don’t speak this lalom na binisaya in any ways sa among balay or wherever ever sa sociedad.. Good lord, this is not a feasible way to teach kids.. Mga ginikanan mismo galisud ug sabot”, mao kini ang actual post.
Awhag sa maong inahan dili unta mogamit sa lisud nga binisaya nga bisan mga dagko na maglisod sa pagsabot ug pag huban.
Wala pay tubag ang DepEd kalabut niiini.
Apan una na nga gipakalma ni DEPED Caraga Reg’l Director Dr. Francis Caesar Bringas ang kabalaka sa mga ginikanan labot sa kahasul nga dala sa modular base learning gumikan sa pagtoo nga sila ang adunay dakung tahas sa pagtudlo sa ilang kabataan ug makaapekto na hinoon sa adlaw-adlaw nga panginabuhian.
Gipasabot ni Dr. Bringas nga ang mga modules sa DEPED gidesinyo alang sa ‘independent learning’ sa mga kabataan sanglit nakasulat man sa module ang instruction unsaon sa pagtoon sa mga tinun-an.
Pabor pa gani sa mga kabataan ang sistema sanglit sila ang magboot sa oras kung kanus-a magtoon sa module ug dili kinahanglan nga kada adlaw makatutuk niini ang important mahuman ang module sulod sa usa ka semana.
Kung adunay mga pangutana labot sa module ang tinun-an andam ug tagana ang ilang magtutudlo sa pagtubag niini bisan unsang oras tingtrabaho.
Luyu nga walay face to face nga klase apan gimandoan gihapon ang mga magtutudlo nga motrabaho sulod sa 6 ka oras sa pagtudlo.
Photo ctto
