BACOLOD CITY – Ginreklamo man sang isa ka land-lady ang iya tenant nga nagbuko sunugon ang gina-rentahan sini nga balay matapos ini ang ginsukot kag wala nagbayad kahapon sang aga sa Brgy. Tangub.
Ang complainant isa ka 68 anyos nga babayi, pumuluyo sang Fortune Town Subdivision, Brgy. Estefania, Bacolod City.
Ginpahayag nga gina-reklamo sang amo nga babayi ang tenant nga naga arkila sa iya balay sa Gardenville Subdivision sa Brgy. Tangub.
Suno sa iya nga may mg alas 11 kahapon sang aga, ini siya ang nagpanukot sa tenant bangud 3 ka bulan na ini nga wala nakabayad sang iya renta nga tag P2,000 kada bulan gani naglab-ot na sa P6,000 pesos ang iya balayran.
Apang napaslawan ini nga makabayad kag naakig pa sa tag-iya kon diin hungod niya nga gin-guba ang pwertahan sang banyo kag gintuyo pa nga sunugon ini./dyHB BACOLOD
