Tapaz, Capiz – Dead on arrival sang gindala sa Tapaz District Hospital ang driver sang motorsiklo, matapos nagbunggo sa pwertahan sang taxi sa Barangay Switch, Tapaz, Capiz mga alas 6:00 ang takna kagab-i.
Ginkilala ang biktima nga si Beny Cafugauan y Cariaga 46-anyos sang Cabug Cabug, Molo, Iloilo City. Nag-angkon sang patal nga pilas sa ulo ang biktima nga amo ang gintunaan sang iya kamatayon. Sa inisyal nga imbestigasyon sang Tapaz PNP, nagpondo ang taxi nga ginamaneho ni Tommy Gerapusco y Gedoria 40-anyos, sa atubang sang ila nga balay sa Barangay Switch. Lipod sa ihibalo sini, nag-overtake ang biktima nga si Cafugauan rasun nga nagbunggo ini sa pwertahan sang taxi sang ginbuksan ni Gerapusco.
Yara na sa kustodiya sang Tapaz Municipal Police Station ang driver sang taxi. Nahibaluan nga isa ka barangay kagawad sang Barangay Switch, Tapaz, Capiz ang nasambit nga driver.
