Lake Sebu, South Cotabato –Miubusikad ang usa ka gituohang landmine didto sa lihit nga lugar sa Sitio Benef, Barangay T’Kunnel, Lake Sebu, South Cotabato niadtong nalalabayng adlaw.
Subay sa report sa Lake Sebu PNP ug 27th Infantry Battalion sa Philippine Army, mibusikad ang landmine, napulo ka metros ang gilay-on gikan sa mga sundalong nagpatrolya sa lugar niadtong higayuna.
Tungod sa maong insidente, gilayong nagpahigayon ug clearing operation ang mga kasundaluhan diin narekober sa lugar ang fragmentation sa gituohang landmine.
Samtang narekober usab ang improvised explosive device nga gilangkuban sa claymore mine, blasting cap ug electric wire.
Gituohang gitanum ang maong landmine sa mga miyembro sa rebeldeng New People’s Army o NPA gikan sa Platoon West Guerilla Front Musa kansa maoy naglihukan sa maong lugar.
Sa karon nagpadayon ang imbistigasyon kalabutan sa insidente.
