Landslide area sa Brgy. Paquibato dili na pabalikan

38

Davao City – Dili na pabalikon ang unom (6) ka pamilya sa ilang pinuy-anan sa Sitio Pungko, Barangay Salapawan, Paquibato District, Davao City human kini natabunan tungod sa landslide alas12:48 kagahapon sa kaadlawon (June 22, 2021) diin gawas sa unom ka balay, natabunan usab og yuta ang usa ka center.

Sa interbyu sa DXDC RMN Davao kang Police Corporal Ernesto Martinez, personahe sa Paquibato PNP, gibutyag niini nga kini ang rekomendasyon sa barangay alang sa maong mga residente aron malikayan nga masubli ang insidente. Sa maong insidente walay natalang injured o casualty.


“Mura’g dili na siguro didto pabalikan kay naagian na og landslide. Maoy advise sa barangay kay basin mausban napod ba,” sulti ni Martinez.

Matud ni Martinez, nakasinati og pag-ulan ang lugar sa milabay nga mga adlaw nga posibleng hinungdan sa paghumok sa yuta nga miresulta sa pagdahili.

Sa pagkakaron, temporaryong namuyo ang apektadong pamilya sa ilang mga paryente o kabanay sa lugar samtang gi-andam pa ang posibleng relocation site alang sa nahisgutan.

RadyoMaN Kirby Manzon



Facebook Comments