No fuede aura travesa mga vecihulo na Sitio Anuling, Barangay Pamucutan desfues ya cay el mga tierra y bien grande piedra na mismo camino del mensyonoa lugar.
Presentamente, mismo mga residentes na lugar el ta man lingasa porcausa cay ta continua emblandia el tierra na monte causa del siguiditos aguasero na monte.
Asegun con el mga residentes de Anuling, nuay Tambien fuede travesa el trak de carga que ta transporta con el diila mga venta para na fueblo porcausa cay apiki el pasada y solamente mga motorsiclo lang el ta fuede traveza na lugar.
El mga barangay oficiales de Pamucutan ta pidi aura aucillo con el govierno local si fuede manga quebra o quita con el bien grande piedra que sanggao aura na diila pasada na mismo lugar. – *Bhong Simbajon/RMN News*
