Usa ka pagpanigbas ang nahitabo didto sa Purok Hinaglong, brgy. Kanim, Lungsod sa Sibutad niadtong nakalabayng adlaw.
Naila ang biktima nga si Allan Calago Laput, hingkod ang pangidaron, molupyo sa Purok 3, Brgy. Oyan sa maong lungsod. Samtang ang suspek naila nga si Manny Comodas, 27 anyos, taga Guinles, lungsod sa Polanco.
Sa resulta sa imbistigasyon nasayran nga ang duruha pulos construction worker, nga kung diin nagkabangi kini sila nga mi resluta sa pagpanigbas.
Ang biktima naka angkon ug samad tinigbasan sa iyang ulo, dali usab kining gidala sa Sibutad Rural health Unit aron matambalan.
Samtang ang suspek miikyas kini sa wala masayring direksyon. Nakuha sa lugar nahitaboan ang usa ka sundang adunay gitas-on nga 17 inches.
Ang kapulisan sa Sibutad padayon pa ang ilang gihimong pag gukod sa suspek aron sa posibleng pag aresto sa suspetsado.
