Roxas City, Capiz – Nagpatigayon sang regular operation ang mga katapo sang regional law enforcement unit sang Land Transportations Office(LTO)-6 sa mga dalanon sa Roxas City kahapon nga adlaw. Suno kay Mr Jester Mandadero, sang nagligad nga adlaw nagpatigayon man sila sang operasyon sa banwa sang Pilar kag Panit-an kon sa diin masobra sa isa ka gatos nga mga motorista ang nakabayolar kag nagkalakpan. Sakop sang ila operasyon ang mga nagalapas sa RA 4136 ukon ang “Land Transportation and Traffic Code.” partikular ang mga wala nagasuksok sang helmet, expire ang OR/CR sang motor, wala lisensya subong man ang mga overloaded nga public utility vehicle(PUV). May kaangot sini, ginpanugyan ni Mandadero sa tanan nga mga motorista nga mangin responsable kag sundon ang mga pagsulondan sang LTO para sa ila man nga safety.
-file photo from web
