KABANKALAN CITY – Nagpadulong sa istasyon sang pulis ang isa ka foreign diplomat agud magpa record nga ini siya ang gintayaan sang armas sang isa ka traysikol driver sa Brgy. 4, Kabankalan City sadtong nagligad nga Sabado sang gab-i.
Nakilala ang complainant nga si Nawfal Chajia, 31 anyus, isa ka Lebanese Diplomat kag temporaryo nga naga-istar sa Makati City.
Suno sa imbestigasyon sang Kabankalan PNP, natabo ang insidente sang pagpamahog sang ang biktima ang naga-maneho sang iya Suzuki SUV kag iya nabunggu-an ang isa ka tricycle sa Highway Mabinay, Brgy. 4, syudad sang Kabankalan.
Didto na kag nagpa-naug sa iya salakyan ang foreigner kag gin-kumprontar ang driver sang tricycle.
Apang, nag-tuyo naman nga magpalagyo ang driver sang traysikol kon diin ginkuha naman sang biktima ang yabe sang driver.
Bangud sini, na-akig naman ang suspek kag didto nagkuha ini sang iya calibre .45 nga pistola kag gintaya naman sa amo nga Lebanese Diplomat. /dyHB BACOLOD
