Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Ayaw pwersaha nga usabon ang usa ka sitwasyon karon, mas maayo kini ug pasagdan nimo mutim-aw ang natural nga resulta tungod aduna kini sorpresa alang kanimo.
GEMINI: (Mayo 21-Hunyo 21) – Di na kinahanglan ug daghan pang drama sa pagsolbad sa imong ginaatubang karon, gikinahanglan lang ka tibuok ang imong pagsalig malampasan ni.
TAURUS: (Abril 20-Mayo 20) – Ayaw dayon ug desisyon nga mu-undang sa imong responsibilidad tungod kay di nimo makontrol ang mga tao sa imong palibot, naay usa ka indibidwal nga lahi ug paagi apan makatabgn kini sa iinyong tinguha.
CANCER: (Hunyo 22-Hulyo 22) – Bisan pa ug di maayo ang resulta na imong mga nakita karon sa imong misyon nga nasugdan dili kini pasabot nga padulong sa kapakyasan. Parti lang ni kadaugan sa imogn tinguha.
LEO: (Hulyo 23-Agosto 22) – Salig kung unsa ang naa sa imong kasing-kasing ug mensahe sa imong konsensya ug wala nay lain pa.
VIRGO: (Agosto 23-Setyembre 23) – Posible nga ang tubag sa imong dakong pangutana naa ra sa imong atubangan. Ayaw padala sa uban tao, tikang sa atubangan nga naay kumpyansa sa imong kaugalingon aron imong makita ang imong gipangita.
LIBRA: (Setyembre 24-Oktubre 23) – Ang oras nga imong gikinahanglan sa uban ang maoy imong gipangita karon. Apan dili tanan higayon nga imong mga gusto madayon. Mag agad ra gyud ta sa kapalaran kong iya ba gyud kaha ning gi destino para sa imoha or dili. Mao nay giingon nga ang orasan ra gyud ang naay time permi para nimo.
SCORPIO: (Oktubre 24-Nobyembre 22) – Naay mga butang nga puno ka sa pagbasol niini kay tungod sa imong mga kasaypanan. Ayaw kagoul kay timan-e permi nga wala gyuy perpekto aning kalibutana. Instead, malipay ka anang butanga kung asa ka nasayop kay mamahimo kini ug leksyon para nimo.
SAGITTARIUS: (Nobyembre 23-Disyembre 21) – Makahinumdum ka sa mga panghitabo sauna nga imong gidahum hangtod karon pero wala nahinayon. Mohatag kini og kagool sa imong kaugalingon apan magpabilin lang gihapon kang positibo kay ikaw mismo nakahibaw nga naa gyuy rason ang tanang butang. Kung unsa man gani ani ang pagpahinumdum sa imong ex, undangi nana. Ga labadlabad rakas imong ulo!
CAPRICORN: (Disyembre 22-Enero 19) – Magkinahanglan ka man sa tabang sa uban apan kinahanglanon pud nila ang imong tabang. Sa ginaingon pa nga tabangi ko og tabangan pud tika. Nindot kaayo sa imong pamati nga naa kay masugatan na tao sa imong adlaw nga magtinabangay mo sa usag usa.
AQUARIUS: (Enero 20-Pebrero 18) – Dili naka makabantay nga naay mga pangusab sa imong kinabuhi. Dili napud ka makabantay nga naabot na diay sa kana nga level sa imong kinabuhi. Normal ra gyud na nga naa man gyud tay mga pagbago sa atong kinabuhi. Pero hinumdumi permi nga bag-ohon lang ang tanang butang ayaw lang gyud imong uyab.
PISCES: (Pebrero 19-Marso 20) – Naa kay mga decision nga pangbuhaton karon og malipay ka kung naa man gani mo supporta sa imong gusto. Pero pagbantay-bantay lang gyud kay basin suyaan unya ka nga makita nila nimo nga malampuson ka. Timan-e nga daghang suyaon aning kalibutana.
*Mao kadto ang atoang *LeenoWag* Horoscope* *alang sa adlaw nga Huwebes**, Pebrero 7, 2019.** Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: *www.proastro.com*.** (Sinulat ni DJ *Leeno* Gaw ug Boss Luwag).*
