Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Magpatong-patong imong masinati nga problema karung adlawa. Imbes nga maguol ka apan hunahunaa lang nga makaginansiya ka og pagtulun-an sa kinabuhi. Ayaw ka problema sa imong problema. Ang problema maoy dapat maproblema sa imong ka lig-on ug ka maayo mudiskarte. Ipagawas imong mga kasakit. Ayaw pagluom-luom.
TAURUS: (Abril 20-Mayo 20) – Anaa kay gusto nga dugay na nimung buhaton. Buhata kini karon. Tagae og kahigayonan imong kaugalingon nga mu express sa kung unsay gisinggit sa imong kasingkasing. Suma pa sa kanta ni Ariana Grande, “break free”!
GEMINI: (Mayo 21-Hunyo 21) – Feeling low ang imong spirit karun. Kuwangan ka og confidence karong adlawa busa suwayi og tan-aw og movie o paminaw og mga inspiring songs arun ma uplift imong spirits.
CANCER: (Hunyo 22-Hulyo 22) – Panan-aw nimu nga laing tawo ang nagcontrol sa imong kinabuhi. Usahay nasobra imung ka negatibo about life. Even if you feel nga wala kay choice peru still naa man gyud kay choice: becoming happy and productive. Kining imong vulnerability ug insecurity nga nasinati karong adlawa is just a sign of progress.
LEO: (Hulyo 23-Agosto 22) – Nausab imong pagtan-aw sa usa ka tao tungod sa usa ka panghitabo. Apan kinahanglan gihapon nimung hibaw-on iyang side. Careful sa pagjudge sa usa ka tao tungod di lalim kung ikaw ang anaa sa ilang sitwasyon. Likayi ang pagpanglibak karung adlawa.
VIRGO: (Agosto 23-Setyembre 23) – Palapdi pa ang imong imagination karung adlawa. Ipakita kung unsa ka ka-creative ug ka maabilidad. Pwedeng adunay usa o duha ka tao nga imong ma-inspire tungod sa imong mga pangandoy ug paningkamot.
LIBRA: (Setyembre 24-Oktubre 23) – Pwerting igo-a nimo sa sikat nga linya sa atoang presidente nga “Change is coming”. Kung naa kay angay o dapat nimong bag-ohon karong adlawa, buhata na. Ayaw sige’g tapol-tapol kay opportunity comes once only. Ang imong pag bag-o posible makahatag og kaayo sa imong kinabuhi. Lihok aron dili ka magmahay.
SCORPIO: (Oktubre 24-Nobyembre 22) – Ang appreciation kay usa ka importanteng butang sa imong kinabuhi. Bisan sa mga gagmay nga butang grabe nimo ang paghatag og value niini. Kung naa puy chance nga makapa-asenso sa imoha, buhata kini. Bisan unsa ka gamay sa butang peru importante gihapon kini. Relax lang ug smile sad ginagmay diha. Kaon na lang para mahappy ka.
SAGITTARIUS: (Nobyembre 23-Disyembre 21) – Ang paggamit sa imong utok karon kinahanglangon kaayo. Dili sige’g tanga ug huna-huna sa butang nga makapahatag ra nimo og problema. Focus lang sa imong gimbuhaton. Kung naa man gani makahatag og problema nimo karon gamita imong initiative. Mao nang kinahanglon gyud kaayo imong utok. Gamita imong utok please! Harsh ra ba? Sorry mao nay reality.
CAPRICORN: (Disyembre 22-Enero 19) – New experiences ug new learnings ang imong masinati karung adlawa. Dili bag-ong uyab. Naa nakay uyab intawn. Sa single nga Capricorn, di paka maka uyab. Kay busy kaayo kang pa-dato. Dzah!
AQUARIUS: (Enero 20-Pebrero 18) – Puno ka sa drama karong adlawa. Ayaw gyud intawn pag expect kay ikaw ra ang masakitan. Maypa’g mangita ka’g lingaw para ma okay ka. Maabot man gyud na ang kagoul sa atong kinabuhi apan ayaw gyud padala. Cheer up lang. Ayaw sige’g maoy kay mubo ra kaayo ang kinabuhi.
PISCES: (Pebrero 19-Marso 20) – Naay mahitabo sa imong kinabuhi karon apan wala nimo damha nga moabot kini. Karun ang perfect nga adlaw nga pwede nimong himoun ang mga butang nga dugay na kaayo nimo gi dahom. Grab gyud dayun that chance uy kay dugay na kaayo na nimo gipangandoy. Kay magmahay gyud ka kung di ka mu-try. Sarap kaya!
Mao kadto ang atoang LeenoWag Horoscope alang sa adlaw nga Martes, Oktubre 2, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. (Sinulat ni Dj Boss Luwag ug Leeno Gaw)
