Swerte’s Guide:Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Usa ka espesyal na panagtapok ang mahimong importante tungod sa imong mga higala na musurpresa kanimo aron malantaw nimo pag usab ang koneksyon kanila.
TAURUS: (Abril 20-Mayo 20) – Kinahanglan ug pokus, oras ug atensyon sa imong propesyon karon. Dili kani sayon apan kinahanglan lamang imong hulaton ang mga mahitabo aron masigurado nimo ang tamang desisyon.
GEMINI: (Mayo 21-Hunyo 21) – Daghan koneksyon sa mga butang, panghitabo nga pwede malambigit sa byahe o balaod. Mahimutang ka sa pakighinabi sa mga tao o organisasyon, apan ayaw kaluya o mawagtangan ug kusog kung imong madiskobre sa mahimong resulta. Muabot ang buwan sa agusto, ang tanan mausab ra.
CANCER: (Hunyo 22-Hulyo 22) – Pinansyal ang mamahimong sentro karon, pwede kini nga ikaw ang utangan o naay nangutang nimo. Apan kini nga isyu dali lamang maresolba.
LEO: (Hulyo 23-Agosto 22) – Ayaw pagdali pagdesisyon. Kinahanglan huwaton nimo ang mga panghitao o mahitabo usa ka mulakang ug desisyon.
VIRGO: (Agosto 23-Setyembre 23) – Usa ka sitwasyon na pwede maglambigit sa imong propesyon o panglawas na kinahanglan ug dinaliang atensyon. Dili ni pwede na baliwalaon kay oras og pokus ang dapat igahin niini.
LIBRA: (Setyembre 24-Oktubre 23) – Sa kadugay ninyo nga managuyab sa inyung relasyon, possible nga mag minyo na gyud mo karong adlawa. Mo atubang napud mo sa laing level sa inyong relasyon. Ug tungod niana malipayon kaayo ka kay dugay ra gyud na nimo gipaabot nga higayon. Pero siguradoa lang gyud nga andam na ba ka mag minyo kay mahal na raba kaayo ang bugas karon.
SCORPIO: (Oktubre 24-Nobyembre 22) – Naay mga panaglalis sa imong pamilya karon. Dili man gyud na malikayan nga mahitabo nang mga butanga pero dapat isip membro ka sa usa ka pamilya dapat ikaw gyud ang mo sabot nilang tanan. Instead nga masuko ka og apil, dapat ikaw ang motabang nila para ma okay ra ang tanan. Kaya gani nimo sulbaron ang problema sa imong uyab, sa pamilya na ba?
SAGITTARIUS: (Nobyembre 23-Disyembre 21) – Pagbantay-bantay sa imong mga gipang permahan karon. Swerte ka kay kabahin na sa imong trabaho possible nga contract signing na. Pero dapat imo gyud nang pang basahon kung unsay nakasulat para makasabot ka. Importante gyud kaayo nga nakasabot ka kay basin perma-perma raka diha pero wa diay kakasabot.
CAPRICORN: (Disyembre 22-Enero 19) – Importante kaayo ang pagkapraktikal nimo karong adlawa. Makasugat gyud ka nga mag problema ka kabahin sa kwarta. Mao nang importante kaayo nga karong adlawa tipid-tipid lang usa. Sunod pa raba semana ang sweldo mao nang ayaw og kompyansa kay basin mapasmo niya ka.
AQUARIUS: (Enero 20-Pebrero 18) – Naay mga butang karon nga maoy nakapapukaw sa imong mga kagahapon. Basin kining mga butanga wala paka ka move on niini. Karon na gyud adlawa ang perfect time nga kailangan na gyud ka mo decide sa imong mga kalibog.
PISCES: (Pebrero 19-Marso 20) – Mas sinaligan naka sa kadaghan karon. Sauna naa kay mga ipang ingon nga dili ka sure. Pero karong adlawa di na nimo kailangan nga i-prove nga sakto ba ka. Kinahanglanon gyud nga madunggan na sa uban ang imong wisdom kay dako kaayo na og tabang para sa ilahang kaugalingon.
Mao kadto ang atoang LeenoWag Horoscope alang sa adlaw nga Biyernes, Hulyo 27, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com(Sinulat ni DJ Leeno Gaw ug Boss Luwag)
