Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Dili tanan mahatagan ug ikaduhang tsansa apan usahay kita makalimot na kini naa na sa atong atubangan. Kung adunay sitwasyon na pamilyar sa imoha, mao na kini ang ikaduhang tsansa ug siguraduha dalhon kini sa matarong.
TAURUS: (Abril 20-Mayo 20) – Sa mga oras na ikaw makadawat ug ginagmay nga hagit sa imong kinabuhi, ayaw pangagpas basi kini muhatag kanimo ug kalisod, apan dawata ug dinhi ka mukuha ug kusog aron ikaw malig-on. Ayaw nalang huna huna imong tuhod kay di na gyud na lig-on. Sinyales nana nga GOR na gyud ka.
GEMINI: (Mayo 21-Hunyo 21) – Ayaw katingala kung tanan imohang gusto di makuha. Ayaw kalimot na daghan pa ang pwede nimong mapilian apan ayaw sab kalimot na kini parte sa proseso alang kanimo aron imong makita ang usa kabutang nga mao ang angay ug ang sakto na imong gipangita.
CANCER: (Hunyo 22-Hulyo 22) – Ang pagpalimpyos imong ngalan ang imong hatagan ug kompyansa karon. Limpyoha gyud ang mga huna huna sa uban sa ilang pag tan-aw diha kanimo. Taga-e ug depensa ang imong reputasyon kay basin mao ni usa sa hinungdan nga wa nay mo salig nimo.
LEO: (Hulyo 23-Agosto 22) – Di mabalaka kung mausab ang tanan tungod naulahi imong gipaabot. Muabot ra ang oras nga makita nimo ang kalampusan ug ngano kini kinahanglan muabot sa dili oras na imohang gusto.
VIRGO: (Agosto 23-Setyembre 23) – Maayo kang mutambag sa uban tao apan sa imong kaugalingon maglisod ka. Kinahanglan nimo maminaw sa imong konsensya sabton kini. Tuohi imong abilidad kay kini ang sigurado, bisan pa ang tan-aw sa lain tao kanimo sakto na imong gibuhat.
LIBRA: (Setyembre 24-Oktubre 23) – Dugay nakang dehado sa inyong relasyon. Pero karon naabot ang panahon nga patas namong duha. Mao nani ang time nga maglibog ka kung kinsang desisyon ang imong sundon kon iyaha ba or imoha. Pero di buot ipasabot nga magbuwag mo. Depende ra gyud kung gi unsa ninyo na pagdala. Pero walay forever! Ma dugta ratang tanan.
SCORPIO: (Oktubre 24-Nobyembre 22) – Naa kay masugatan nga butang o panghitabo nga makapa amaze sa imoha. Pero sigurado-a lang nga tinoud ba gyud kaha na imong nakita? Usahay mo too raba dayun ta kung unsay makit-an nato. Pero wa ta kabaw unsay rason nganung nahitabo ang usa ka panghitabo. Usahay man gud kanang imong pag ka himantayon kay nag labaw man. Minus-minusi kay labaw pakang sawayonon.
SAGITTARIUS: (Nobyembre 23-Disyembre 21) – Possible nga daghan ka og matabangan karong adlawa. Pero sa kadaghan ana nila dapat mamili ra gyud ka kung kinsa imong hatagan og prioridad. Mura ragud og gugma kung love gyud nimo siya dapat priority nimo siya.
CAPRICORN: (Disyembre 22-Enero 19) – Ang pagkamalipayon ang mopatigbabaw nimo karong adlaw. Dapat nga malipayon gyud ka karong adlawa. Kung naa man gani kay problema nga masugatan, kataw-e rana. Timan-e nga tanang butang mo gaan kung imong buhi-an. Daghan kaayo og pamaagi para malipay ka ug usa ana ang pagpapamin. Diba ang imong makita imong dagway?
AQUARIUS: (Enero 20-Pebrero 18) – Ayaw pag focus sa mga negatibong butang nga dili makapa asenso sa imoha. Instead, look for more opportunities that could help you improve. Daghan kaayo og mga opportunidad nga gahuwat sa imoha karon. Ayaw ipareha ang imong crush sa opportunidad nga imo ra gihimong option.
PISCES: (Pebrero 19-Marso 20) – Ni assume raka kay wala kay igong basihan. Dapat sa mga desisyon nga imong ginabuhat sigurado ka anang mga butanga. Kabaw biya ka nga uso na ang mga tao nga assuming karon. Di man kaha ka ganahan masakitan, ayaw ug sunod nila. Kay basin ma membro napud ka.
Mao kadto ang atoang LeenoWag Horoscope alang sa adlaw nga Huwebes, Hulyo 26, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. (Sinulat ni DJ Leeno Gaw ug Boss Luwag)
