Giklaro karon ni presidential spokesperson Harry Roque nga ang warning ni Pres. Rodrigo Duterte kontra sa ‘legal fronts’ sa mga Maoist communist rebels bunga sa ilang pakigkomboya aron buhaton ang rebelyon ug ‘acts of terrorism.’
Sa regular news briefing sa palasyo sa Malacañang, gibatbat ni Roque nga gitumong sa pamuno-nasud ang ‘conspiracy to commit rebellion and acts of terrorism’ sa New Peoples Army (NPA) inubanan sa mga grupong ‘symphatetic’ kun kaalyado sa ilang hut-ong aron guboton ang gobyerno.
Pinasikad usab kini sa teoriya sa pamunuan nga ang duruha ka mga krimen covered kini sa Human Security Act silbing mas halapad nga lagda kalabot sa tanang mga national security threats nga gisagubang sa nasud.
Una niini, hugot gimando sa presidente nga undangon na ang GRP-NDFP peacetalks sa katarongan nga walay nakitang sinseridad sa bahin sa naulahi nga maghisgot ug kalinaw sanglit padayon ang maong pundok sa ilang mga pagpang-atake sa mga government targets ingon man ang pagpangayo ug ‘revolutionary taxes’ gikan sa pribadong sector.
RadyoMaN June Duterte
