General Santos City— Miatubang na sa hawanan sa konseho ang legal officer sa Police Regional Office 12 pinaagi ni Police Superintendent Adriel Gran human ang kapin usa ka bulan nga pinaabot sa posisyon sa Regional Office bahin sa isyu sa Small Town Lottery sa GenSan.
Sumala kang Superintendent Gran nga ang iyahang posisyon ang basi lang usab sa balaud nga iyahang gitun-an ug makonsidera gyud nga illegal ang operasyon sa STL sa dakbayan kung basihan ang R.A 9649gumikan wala may concurrence nga gihimo ang tagdumala niini ngadto na sa hawanan sa konseho.
Kini gumikan basi sa balaud kung unsa ang pinakabag-ong balaud mao gyud ang matuman pasabot nga na-amendyahan na niini tanang mga naunang balaud sama sa PCSO nga naapil sa R.A 9649 kon ang balaud sa Gensan isip Chartered City.
Pamahayag niini nga ang posisyon ug ang opinion nga iyahang gibutyag ang adunay pagtugot sa Director of legal service sa kampo Crame.
Apan, gibutyag niya nga sa lakang nga pagpahigayon ug operasyon batok STL sa dakabyan, kini ang iyaha ng gitugyan ngadto kang Police Senior Superintendent Romeo Ruel Berango isip OIC City Director sa GSCPO.
Pag-angkon niya nga naglisud gyud ang kapulisan sa angayang himuon gumikan sa managlahing mando gikan sa Mayor ingon man mga konsehal, apan gipaklaro niini nga basi sa balaud, ilawom sa R.A 6975 Sec. 51, ang mayor ang adunay operational and control superivision sa kapulisan.
