Padayon karong nagpaayo sa Capitol University Medical Center kon C-U-M-C, ang 32 anyos nga lending collector kinsa gipusil sa duha ka wala mailang mga suspek kagabii sa Sta. Cecilia, Brgy. Gusa ning dakbayan.
Naila ang biktima nga si Roy Montero, minyo nga taga-Tabuknay, Baloy, Brgy. Tablon ning dakbayan.
Nasayran nga pauli na ang biktima ug mihunong sa area aron mangihi, apan kalit kining gipusil sa duha ka mga suspek ug gidala pa ang motorsiklo niini.
Naangkon ni Montero ang samad pinusilan sa likod nga bahin.
Samtang
Matud sa igsoon sa biktima nga si Gleen, nga nakatawag pa kaniya ang iyang igsoon ug nagpahibalo nga gipusil kini sa duha ka mga lalaki sa Sta. Cecelia Gusa ning syudad.
Hinoon, na flash alarm na ang maong insidente aron masayran sa ubang unit sa kapolisan ug police station, ang nahitabong motornapping.
Sa karon padayun pa ang imbestigasyun sa kapolisan, ingun man ang pagpangita sa mga suspetsado.
By; Radyoman Aiza Enloran and Ellah Baculio
