Davao City – Gipaabot sa City Government of Davao ang mensahe alang sa selebrasyon sa Eid al-Adha kun Festival of Sacrifice sa Muslim community karong adlawa (Hulyo 20, 2021) diin kini ang pinaka-importanteng holiday sa Islamic calendar.
Sa mensahe ni Davao City Mayor Sara Duterte-Carpio, nanghinaut kini sa tanang Muslim nga ilahang padayong mabatonan ang kalinaw ug kadagaya luyo sa padayong gina-atubang nga krisis karon hatud sa pandemya.
“As we celebrate this year’s Feast of Sacrifice (Eid al-Adha) with our families, let us not forget to celebrate with purity of heart, good intention, love, compassion and the consciousness to always keep ourselves, our homes and communities safe in this time of the pandemic,” mensahe sa mayor.
Gisulti sa alkalde nga iyaha usab nga kanunayng ginapahinumdom labi na sa mga religious leader ang pagpatuman sa minimum public health standards batok Coronavirus Disease 2019 (COVID-19) atol sa aktibidad ug giawhag nga kini himuon sulod sa panimalay aron malikayan ang risgo sa COVID-19 transmission.
Gideklara usab karong adlawa nga usa ka regular holiday subay sa Proclamation No. 1189 nga gilagdaan ni Presidente Rodrigo Duterte.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
