LGU Davao: Pag-ban sa non-essential gov’t events extended

40
Davao City – Magpabiling gidili ang pagpahigayon og mga non-essential activities sa Barangay, Local and National Government Offices lakip na sa Government-owned and Controlled Corporation, subay sa Executive Order (EO) No. 69 nga gipagula sa City Government of Davao.

Sa EO, epektibo pa gihapon ang pag-ban sa mga musunod nga aktibidad hangtud September 12, 2022 kanus-a mahuman ang State of Calamity sa Pilipinas subay sa Presidential Proclamation 1218 series of 2021.

Kini nga mga aktibidad mao ang inauguration, anniversary, thanksgiving, ribbon-cutting, blessing, turnover, groundbreaking activity, launching program, salo-salo, birthday, press conference, oath taking program, photo opportunity, retirement honors, welcome honors, testimonial program, summer outing, team building ug susamang mga aktibidad.

Gidili usab ang tanang face-to-face non-emergency essential government activities sama sa trainings ug seminars atol sa maong period, apan kini mamahimong himuon online.

Hinuon, walay labot sa maong direktiba ang distribusyon sa pinansyal, food o non-food items atol sa kalamidad. Samtang kinahanglang contactless delivery ang distribusyon sa mga dili related sa emergency o disaster nga aktibidad sa panggamhanan.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments