South Cotabato–Nagpadala na ug sulat si South Cotabato Gobernador Reynaldo Tamayo ngadto sa mga nagkadaiyang ahensya sa gobyerno sama sa Department of Education, Department of Health, ingon man sa Department of Interior and Local Government DILG ug sa PNP, ug Bureau of Fire Protection nga hangyuon ang ilahang mga nurses nga i-deploy una sa South Cotabato Provincial Hospital.
Unang gibutyag ni Dr. Conrado Braña, Chief sa South Cotabato Provincial Hospital nga gikulang na ang ilang pwersa human nga naquarantine ang pipila sa ilang staff. Hinungdan nga nangayu una ug suporta ang probinsya gikan sa mga nagkadaiyang ahensya sa gobyerno.
Nanawagan usab si Dr. Braña sa mga interesado nga mag-apply sa South Cotabato Provincial Hospital nga mamahimo na sila nga mosubmitar ug requirements gumikan kinahanglanon gyud nila sa karon ang dugang nga mga medical workers.
