Mangayo pa sila sang clearance sa Comelec suno kay Surallah Municipal Disaster Risk Reduction and Management Officer Leonardo Ballon agud nga makahatag sang ayuda sa mga apektado nga mga mangunguma sang dry spell sang first quarter sang tuig.
Samtang sa subong yara pa lang sila sa proseso sa pagbakal sang bugas para sa ipatuman nga food for work matapos nga ginpaidalom na ang banwa sa state of calamity tungod sa epekto sang dry spell.
Ginkumpirmar man ni Ballon nga magluwas sa rice distribution magahatag man sang abono kag binhi ang local government unit kag Department of Agriculture ukon DA 12 sa mga apektado nga mga mangunguma sa tion nga mag-stable na ang sitwasyon sang panahon.
Facebook Comments
