Naghatag sang ayuda ang lokal nga gobyerno sang Surallah sa mga apektado nga empleyado sang ginpapanaog nga Executive Order ni Mayor Antonio Bendita nga nagasuspender sa operasyon sang resorts, tourism areas, beauty kag wellness shops tungod sa nagapadayon nga pagsaka sang kaso sang COVID-19 sa banwa.
May-angot sini, nakabaton sang food packs ang mga empleyado ukon trabahante sang 25 ka mga establishemento nga rehistrado kag may yara sang business permits
Nagalab-ot sa masobra 70 ka mga empleyado sang nasambit nga mga negosyo sa banwa sang Surallah ang nabuligan sang LGU paagi sa Municipal Social Welfare and Development Office ukon MSWD kag Municipal Disaster Risk Reduction and Management Office ukon MDRRMO.
Nahibaluan nga base sa ginpaggwa nga Executive order no.18 ni Mayor Bendita, suspendido ang operasyon sang mga resorts, parlors kag barbershops tubtob Mayo 31, 2021.
