Sa interview sa RMN Malaybalay ug iFM Bukidnon ngadto kang Atty. Genaro Cadigal Jr., City Administrator sa LGU-Valencia, gibutyag niya nga gikatakdang pasakaan og kaso ang Motorela Driver sa mga nabiktima niini sa Sexual Harrassment.
Kasong Kriminal sumala pa ang ipasaka batok sa gialegarang motorela driver.
Gisiguro usab ni Atty. Cadigal ang tabang ug suporta sa lokal nga pangagamhanan kabahin sa maong insidente.
Mahinomdoman nga usa ka motorela driver ang gireklamo og Sexual Harassment sa gikatahong pasahero niini nga miyembro sa LGBTQ Community.
Una na nga girebokar ang permit niini sa pag-operate og motorela gumikan sa gihimo.
Sa karon, mipahimangnu ang lokal nga pangagamhanan ngadto na sa uban pang posibleng nabiktima sa maong drayber nga makigkoordinar na sa City Administrators Office aron nga mapahamtang ang tokmang kaso batok sa drayber.
Wala matud pa gina-tolerate sa siyudad ang maong lihok tungod kay makahatag kinig kahadlok ilabi na sa mga sumasakay ug gipaniguro sa lokal ang kaluwasan sa tanan.
