*General Santos City— Gilauman ng daan s amga opisyal sa dakbayan nga magpositibo sa COVID-19 ang unang kaso sa GenSan nga mao si PH 3669 gumikan iyahang travel history ug mga sintomas.*
*Sumala kang Gensan City Mayor Ronnel Rivera nga dihang ma-admit sa pribadong hospital sa dakbayan si PH 3669 ilaha na kining gikonsidera nga “presumptive covid 19 carrier” ug ilaha nalang gihulat nga mugawas ang resulta aron nga kini makompirma.*
*Pagpaklaro niya nga dihang nigawas ang sintomas sa COVID-19 kay PH 3669 nagpahigayon na ug primary contact tracing ang local nga panggamhanan sa pagpanguna sa City Health Office Gensan gikan sa iyahang mga pamilya, silingan ngadto na sa iyahang mga kauban sa trabaho.*
*Dugang pamahayag ni Mayor Rivera nga karong semanaha sugod ugma, Abril 9 ngadtona Abril 12 sa adlaw’ng dominggo adunay pagahimuon nga sencondary contact tracing, pasabot nga tanang mga nakasalamuha sa mga gipa-ilalom sa Person Under Monitoring nga nakasalamuha ni PH 3669 mao ang pangitaon aron ma-monitor ng ilahang kondisyon.*
*Pag-angkon ni Mayor Rivera nga subay sa primary contact tracing nigawas nga dili lang usa ang naggikan sa Matina Gallera milabay’ng Marso 12 kundili daghan ang mga nitambong sa maong sabong ng gika-ingong usa sa pinakadakong sabong sa Matina Gallera apan nakita na ang mga nasangpit ug uban kanila ang nakatapos na sa 14 kaadlaw nga home quarantine ug walay mga sintomas nga nigawas.*
