Subli nga nakapuntos ang kapolisan sa ilang kampanya batok sa illegal drugs human ilang nasikop ang duha ka mga suspek nga nag-drug session mga alas 8:40 kagabi-e sa dalan Burgos-Macahambus ning syudad sa Cagayan de Oro.
Matud ni Chief Inspector Julius Macariola, Hepe sa Divisoria Police station nga ang mga suspect mao silang Janus Leyson, 34 anyos, ulitawo nga usa ka liaison officer sa City Mayor’s Office ug ang iyang higala nga si Rico Gallardo, 33 anyos nga taga Villa Angela Subdivision, Balulang ning syudad.
Matud ni Macariola nga ang duha ka mga suspek nasapon sa akto sa kapolisan sa Divisoria ug Camp Alagar nga nag-drug session sa ilang hide out sa barangay 15 kagabi-e.
Nakuha sa kamot sa duha ka mga suspect ang tulo ka pakete sa suspected shabu ug mga drug Paraphernalia.
Ang maong mga suspect, gi-detain sa Camp Alagar ubos sa Regional Drug Enforcement Unit samtang nag-hulat kini nga pasakaan sa kasong drug using sa buhatan sa City Prosecutor’s office.
By: RadyoMaN Nitz Arancon
