*Mikabat sa usa ka libo kapin ka mga personahe sa Police Regional Office-10 ang na-promote kagahapon sa alas otso sa buntag sa Grandstands sa Camp Alagar, Lapasan ning syduad. *
*Kini atol sa gipahigayong Simultaneous Oath-Taking, Donning and Pinning of Ranks Ceremony, alang sa mga bag-ong na-promote nga mga Police Commissioned Officers ug Police Non-Commissioned Officers.*
*Nasayran nga mikabat sa 944 ka mga Police Commissioned Officers ang na-promote nga gilangkoban sa 60 ka Police Senior Inspector; pito ka Police Chief Inspector; 70 ka SPO4; 216 ka SPO3; 161 ka SPO2; 277 ka SPO1; 48 ka PO3 ug 105 ka PO2.*
*Apan kadtong mga na-promote nga mga Police Non-Commissioned Officers ang mohimo sa ilang oath-taking and donning of ranks, ngadto sa ilang mga tagsa-tagsa ka buhatan.*
*Gikabutyag nga sa 1,011 nga mga na-promote, 67 niini ang PCO ug 886 ang PNCO kinsa nadestino sa nagkalain laing police unit sa Region 10, samtang 58 niini ang ubos sa National Support Units ug ang ubang na-promote nga PNCO ang gikan sa Police Provincial Offices, City Police Offices ug Regional Public Safety Battalion Reg. 10. *
*By: Radyoman Mishelle-Enloran *
