Libreng HIV-AIDS testing ug treatment, pahimuslan

65

Davao City – Gi-awhag karon ang mga indibidwal nga adunay pagduda sa ilang status labot sa Human Immunodeficiency Virus – Acquired Immune Deficiency Syndrome (HIV-AIDS) nga magpa check, mag pa test ingon man magpa counseling.

Sa pakighinabi sa DXDC RMN Davao kang Alma Mondragon, executive director Alliance Against Aids In Mindanao, Inc. (ALAGAD-Mindanao), gibutyag niini nga adunay duha ka pasilidad dinhi sa dakbayan sa Davao nga nagtanyag og libreng HIV-AIDS testing ug treatment nga mao ang Reproductive Health and Wellness Center (RHWC) sa Davao City Health Office sa may dalang Jacinto ning syudad ug sa Southern Philippine Medical Center (SPMC).

Gibutyag sa opisyal nga sa datus sa ilang buhatan, mukabat sa 2,651 ka mga kaso sa HIV-AIDS ang natala sa Davao City niadtong Nobyembre 2018.

Gipakusgan usab karon sa ALAGAD-Mindanao ang ilang kampanya labot sa preventive education o sa paglikay sa HIV-AIDS ingon man pag edukar sa mga indibidwal nga sagad malambigit sa maong balatian.

RadyoMaN Kirby Manzon

Facebook Comments