Libreng laptop sa Davao LGU gikalipay sa inahan

17

Davao City – Mas padali na unya ang pagtuon human nadawat na sa usa ka ginikanan ang libreng laptop nga magamit sa iyang mga anak sa pag eskwela.

Sa interbyu sa DXDC RMN Davao kang Rowena Delcampo, taga-Buhangin, Davao City, usa sa 310 ka benepisyaro sa ‘Students’ Siblings Laptop Sharing Project’ sa City Government of Davao, gibutyag niini nga sa iyang walo ka anak, tulo kanila nga Grade 8, 10 ug 11 ang mag-share sa maong laptop alang sa ilang pagtuon.

Gisaysay niini nga wala kini nagduha-duha sa pag-apply sa programa human nasayrang kwalipikado sila sa kategorya sa maong proyekto diin ang maong kagamitan gidonar gikan sa Consulate General Office of the People’s Republic of China.

“Nagpasalamat gyud ko sa atong Mayor (Sara Duterte-Carpio), kay sa ing-ani nga sitwasyon (COVID-19 pandemic), naa pa siya’y gihimo nga makapalipay sa pamilya. Grasya ra gyud siya nga niabot sa Davao og naka-avail mi,” saysay niini.

Niadtong Biyernes (Oktubre 16, 2020) sa dihang gi-turnover ang maong kagamitan sulod sa People’s Park, Palma Gil Street, Davao City diin gawas ni Davao City Vice Mayor Sebastian ‘’Baste” Duterte, personal usab nga mitambong si Chinese Consul General Li Lin nga mi-awhag sa mga benepisyaryo nga ipadayon ang pagtuon sa mga kabataan luyo sa COVID-19 pandemic nga gi-atubang sa kasamtangan.

RadyoMaN Kirby Manzon

Facebook Comments