Gitinguha ni Senator Bam Aquino, nga hingpit ng mapahimuslan sa mga estudyante ang RA 10931 o Universal Access to Quality Tertiary Education Act alang niadtong mga nag tungha sa State Universities and Colleges aron makapahimulos sa libreng tuition fee.
Kini kung matapos na ang Implementing Rules and Regulation kon IRR bahin sa maoong balaod nga maghatag ka-arangan sa mga estudyante ug mga ginikanan.
Kini ang pahayag ni Sen. Bam Aquino, atol sa iyang pagbisita sa dakbayan KAGANINANG BUNTAG, kung asa iyang gipadayag ang iyang pagkadismaya sa Commission on Higher Education kon CHED, gumikan kay niadto pang milabayng tuig dihang na pundohan ang maong balaod sa kantidad nga 8.3 billion pesos, apan hangtod karon wala pa kini napahimuslan sa mga estudyante.
Matud ni Sen. Bam Aquino, nga wala kini kasayoran sa rason sa CHED ngano nga nalangan kini sa pag implementar, hinungdan nga nagsugyot kini nga hatagan compromise agreement ang maong ahensya pina-agi sa paghatag og refund alang niadtong mga estudyante nga benepisyaryo sa maong program.
Nagtuo si Sen. Bam Aquino, nga sa school year 2018-2019 pa ipatuman sa CHED ang maong balaod, luyo nga naghatag na sa resolosyon ang 23 ka mga senador bahin sa maong hisgutanan.
Nasayran nga 8 ka mga suc didto sa metro manila ang makapahimulos niini, 49 sa Luzon, 26 sa visayas ug 31 sa Mindanao.
