Availbale na sa buhatan sa Philippine Statistics Authority o PSA Region 10 ang libro sa Regional Social and Economic Trends o RSET.
Kini ang gibutyag ni Jovan Lance S. Pabua, Statistical Aide sa PSA 10 atol sa programang dxCC Express nga mabati alas singko hangtud alas 5:30 sa hapon sa dxCC-RMN Cagayan de Oro.
Matud ni Pabua nga sulod sa maong libro ang resulta sa ilang mga survey ingonman survey gikan sa ilang mga partner agencies nga ginabasehan sa gobyerno ug uban pang grupo sa pagmugna og lain-laing mga programa alang sa lain-laing sektor sa katilingban.
Libre ra usab nga ihatag sa PSA ang mga soft copies alang sa mga nanginahanglan og data.
Gidugang niini nga pwede usab makabisita ang katawhan sa ilang website nga rsso10.psa.gov.ph aron makita ang mga data nga naa sa RSET.
