General Santos City–Mukabat ngadto sa 1,010 ka mga personahe gikan sa General Santos City Police Office, Joint Taskforce Gensan, CSU ug uban pang force multiplier ang ipakatag atol sa selebrasyon sa paskohan sa Gensan nga magsugod sa Dec. 13 hangtod na sa Dec. 21, 2019.
Sumala pa ni Police Major Rexor Canoy ang tigpamaba sa General Santos City Police Office nga mamahimong strikto ang pagpatuman sa kapulisan palibot sa oval plaza kung asa ipahigayon ang mga pasundayag sa Paskuhan sa Gensan.
Dugang pa ni Canoy nga susama sa mga milabay nga paskohan ug festival sa Gensan pareho lang ang mga ginabawal nga isulod sa oval plaza. Kini mao ang mga bag packs, hait nga hinagiban iligal nga droga ug gibawal usab ang pag panigarilyo sa sulod sa oval Plaza. (Dave Silagan)
