TACLOBAN CITY – Ginsidngan an mga lider han katoliko nga simbahan nga umiwas ha Balangiga Plaza pira kaminuto antis umabot hi Presidente Rodrigo Duterte para ha ceremonial turnover han mga lingganay ha Balangiga, Eastern Samar, ini in sumala han usa nga padi.
Umabot an presidente ha Balangiga antis mag-alas 5:00 han kulop dida han sabado.
Sumala kan Fr. Edmel Raagas, usa ha mga padi nga presente ha seremonya, ginsingan nga gumawas ha plaza hi Borongan Bishop Crispin Barrete Varquez ngan hi Apostolic Nuncio Gabriele Giordano Caccia han Presidential Management Staff.
Pero dayon naman ini gindiwara ni former Special Assistant to the President Christopher “Bong” Go, sumala kan Go, nakipag-shake hands pa an presidente ha mga kapadian upod na hi Varquez ngan Caccia antis sumaka ha stage para tikangan an seremonya.
Sumala naman kan Raagas, ginsidngan hira nga an karuyag la makit-an han Presidente hi Archbishop Romulo Valles.
Han waray magpaalangtad an kapadian, ginsidngan daw hira han PMS nga bumalhin nala ngadto ha luyo nga lingkuran.
Matapos an nasabi nga seremonya, usa nga post an kumalat ha social media ha nasabi nga panhitabo.
May mga komento naman ha nasabi nga post, malisyoso ngan waray daw kamatauran kay ha pagsakob ni Presidente ha plaza, gin-asi ni Duterte an mga kapadian.
