Naaresto sang kapulisan ang ginapahayag leader sang Epogon Organized Crime Group sang ini ang gin-serbehan sang warrant of arrest sa Sitio Patic, Purok 2, Brgy. Isio, Cauayan, las-5:50 sang hapon, Hunyo 21.
Ang suspek nga ginkilala kay Francisco Epogon, 30-anyos sang Sitio Maluy-a, Brgy. San Jose, Sipalay, ang ginserbehan sang Warrant of Arrest sa kaso nga Robbery kag Violence Against or Intimidation of Persons Committed by a Band nga gin-issue ni Honorable Judge Rodney Magbanua sang RTC 6, Branch 61, 6th Judicial Region Kabankalan City, nga napetsahan February 28, 2020. P100,000 naman ang gintalana nga pyansa para sa temporaryo nga kahilwayan sang suspek.
Sang ini ang gin-operate sang Cauayan Municipal Police Station, nakuhaan pa ang suspek sang isa ka pineapple type grenade.
Kagab-i nagpadulong na ang Bacolod City Police Office (BCPO) sa banwa sang Cauayan agud magpangusisa bangud sa nahibaluan nga ang Epogon group ang ginalantaw man nga suspetsado nga nagsulod sa balay kag nagpatay sa Belgian national nga si Carl Nolens sa Villa Angela Subvision, Brgy. Villamonte, Bacolod City, nagligad nga semana.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
