Roxas City, Capiz – Bukas para kay Capiz Governor Tony del Rosario ang pagpaidalom sa iya sa lifestyle check sang NBI. Suno diri nga ginabaton niya nga kabahin na sang pag-uyat sang posisyon sa gobyerno ang mapaidalom sa lifestyle check.
Ginkumpirmar man sini nga ginkadtuan na siya sang NBI nga naghingyo kon mahimo sini nga kuhaan sang litrato ang iya balay kag ang propidad nga Espacio Verde sa Barangay Dayao, Roxas City.
Ginpa-athag ni del Rosario nga amat amat sini nga ginpa-obra ang amo nga resort bangud masami ini nga kadtu-an sang mga bisita sa tion sang okasyon sang siya pa ang alkalde sang syudad sang Roxas gani napinsaran niya nga i-develop na lang ang amo nga lugar.
Ginpunto sang gobernador nga 45-anyos siya nga nagauyat sang posisyon sa gobyerno kag indi siya mahimo makatinir sa amo nga kalawigon kon may yara ini sang ginahimo nga korapsyon.
