Nakadawat sa mga pagdayeg gikan sa City Health Office ang mga miyembro sa Liga ng mga barangay ning syudad sa Cagayan de Oro.
Matud ni Dr. Joselito Retuya, Epidemiologist sa City Health Office nga aktibo ang mga barangay kapitan sa pag-reports sa ilang mga barangay residence nga dunay close contact niadtong mga tawo nga gi-ilang Person Under Monitoring kon PUM’s ug Person Under Investigation kon PUI’s.
Matud ni Retuya nga tungod sa pagka-aktibo sa mga barangay chairmen sa kampanya sa gobyerno batok sa Corona Virus mas milig-on karon ug milapad ang trabaho sa mga Barangay Health Emergency Response Team kon BHERT’s.
Gipasigarbo pa gayud ni Dr. Retuya nga gawas sa puwersa sa BHERT’s, duna pay laing grupo nga gitawag ug Community Development Volunteers kon CDV’s.
Gipasabot ni Retuya nga ang tahas sa ilang CDV’s, mao ang pagsudlay sa labing suok nga mga lugar sa Cagayan de Oro aron pagpangita niadtong mga barangay residence nga dunay close contact sa mga PUM’s ug PUI’s.
