Likod sa mga pick-up type nga sakyanan, gidili nang pasakyan og tawo matud sa LTFRB

Gidili nang pasakyan sa tawo ang likod sa mga  pick up type nga sakyanan sama sa Isuzu elf, pick up nga walay atop ang likod, bonggo nga de karga  ug uban pa.

Kini ang gikompirma ni Land Transportation Franchising and Regulatory Board kon LTFRB region ten Director Aminoden Guro.

Matud ni Guro nga  ang mga bonggo nga de karga dili angay nga pasakyan og mga tawo tungod kay wala kini lingkuranan ug delikado sa mga pasahero.

Nasayran nga kini nga order ang gikan sa Land Transportation Office kon LTO Central Office kinsa tumong niini nga malikayan ang disgrasya.