Liloan riverside butangan og barangay tanod

Davao City – Pabantayan na og mga Barangay tanod sa Barangay Mandug, ang sapa sa Liloan Riverside aron pagseguro nga adunay mubadlong sa mga buot maligo sa maong sapa, ilabi na sa mga dayo nga sagad maoy malumos.

Sa pakighinabi sa DXDC RMN Davao kang Brgy. Captain Rey Ototan sa Barangay Mandug gibutyag niini, gawas sa Brgy.tanod, butangan usab og mga signages ang maong lugar, aron pagpahibalo sa mga tawo nga delikado liguan ang maong sapa, tungod ‘taw-an’ kini og adunay madungog nga tingog sa barko, isip timailhan nga mokuha kini og kinabuhi sa tawo.

Subling nagpahimangno si Kapitan Ototan sa mga ginikanan nga ilang bantayan og badlungon ang ilang mga anak og likayan nga maligo sa maong sapa, diin sagad sa mga dayo maoy malumos.

“Taga diha sa amoa gyod nakit-an nila ila gyod nang badlungon kay nakahibalo na sa area diha nga kanang tawo bag-ohay lang nga mag gara gara sa sapa ang sapa man god tan-aw mora sya og mabaw apan lalom diay”,sulti ni Ototan.

RadyoMaN Don Pulayao