Lalake nga kadudahan og lihok, napusilan sa pulis sa buhangin

Davao City- Napusilan sa sakop sa Buhangin Police Office ang lalake nga kadudahan og lihok nga natigayon sa atbang mismo sa Bernardo Carpio National High School sa Barangay Buhangin ning Siyodad pasado 1:00 sa kadlawon niadtong Sabado.

Daling gidala sa Southern Philippines Medical Center ang suspek kansang wala pa mailhi hangtod karon human naigo ang lawas niini dihang nibalos og pusil ang mga pulis.

Una niini, nakadawat og tawag gikan sa Central 911 ang Buhangin PNP labot sa lalake nga kadudahan ang lihok, hinungdan paspas miadto ang Intel Operatives aron sutaon ang maong report.

Pag-abot sa mga Pulis sa lugar, namatikdan ang presensiya sa suspek maong gisita kini sa Intel Operatives ug imbis mutahan, giingong unang mibunot og .38 Rebolber nga pistola dayon pamusil punting sa mga otoridad, apan maayo nalang kay abtik napion ang kamot sa suspek ug didto na nahitabo ang pinusilay, hinungdan gisapupo kini paingon sa SPMC.
Ang suspek, gibana-banaang 5’4 ang gitas-on, nakasando, ug nagsuot og short.

Narekober sa lugar asa nahitabo ang enkwentro, ang .38 Rebolber nga pistola uban ang lima ka bala, upat ka basyo sa bala apil na sa 9mm pistol.

Dili pa masuta kon unsay gihimo o asa konektado o dautan bang tawo ang napusilang lalake.

RadyoMaN Joel Viray