Vincenzo Sagun, Zamboanga del Sur – Moabot sa lima ka mga Barangay sa lungsod sa Vincenzo Sagun ning probinsya sa Zamboanga del Sur ang gideklara nga drug cleared kagahapon sa pinaagi sa Regional Oversight Committee on Barangay Drug Clearing Operations.
Atol sa deklarasyon nitambong ug nisaksi ang mga opisyal sa maong lungsod, Hepe sa Kapulisan, Municipal ug Barangay Anti-Drug Abuse Council members, Department of Health, Department of Interior and Local Government ug Philippine Drug Enforcement Agency.
Gipa-ila sa Vincenzo Sagun Municipal Police Station ang mga bag-ong barangay nga ‘drug cleared’ mao ang Ambulon, Biu-os, Maculay, Sagucan ug Waling-Waling.
Base sa Section 8 sa Dangerous Drugs Board Regulation No. 3, series of 2017, nakapasar ang nahisgutan nga barangay sa mga basehan nga wala nay’drug supply, transshipment activities, drug laboratory ug warehouse, chemical warehouse, marijuana cultivation site, drug den, drug pusher, protector, financier ug mga user sa nahisgutang lugar.
