Lima ka ginasiling miembro sang private armed group dakop sang CIDG sa Salvador sa kaso nga murder

247

SALVADO BENEDICTO, NEGROS OCCIDENTAL – Detained sa police station ang lima (5) ka mga lalaki nga gindakup bangud may warrant of arrest sa kaso murder kag gina-alleged miembro sang isa ka private armed group sa duha ka mga barangay sa banwa sang Don Salvador Benedicto (DSB) kahapon.

Nakilala ang mga nadakpan sa Purok Humayan kag Istiwitis, Brgy. Bagong Silang nga amo sanday Bernie Bantilan kag Joel Condes, may kaso murder kag no bail recommended.

Nadakpan naman sa Purok Odiong, Brgy. Bagong Silang sanday Armando Rimotigue kag Antonio Baluran, may kaso man nga murder kag wala sang piyansa nga gin-rekomendar.

Samtang, nadakpan naman sa Sitio Magtulukod sa Brgy. Bago, DSB si Jolito Tanuco nga may kaso man nga murder.

Ginpatigayon sang mga katapo sang Criminal Investigation and Detection Group ukon CIDG kag sang mga katapo sang Salvador Benedicto Municipal Police Station ang pagdakup sa mga suspek pinaagi man sa pag-serbe sang warrant of arrest.

Facebook Comments