Lima ka mga aksidente sa motorsiklo ang nagluntad sa Brgy. Ayungon ciudad sang La Carlota bangud sang nagkalawigit nga tubo sa dalan. Ginpahayag ni Mr. Jake Aizpuro, head sang La Carlota DRRMO nga ang mga biktima sa una nga apat nga aksidente ang minor lang nga kapilasan ang ila naangkon sa ila kalawasan.
Apang ang ikalima nga nagaangkasanay nga naaksidente sang gab-ina,amo ang may dalagko nga pilas sa ila ulo kag iban nga parte sang ila lawas.Gilayon naman ini nga gin-respondehan sang DRRMO rescue team kag gindala sa Don Salvador Benedicto Memorial District Hospital sa nasambit nga ciudad. Ang mga biktima ginkilala nga amo sanday Jason Palma kag JuvelyndelaGuizon,lunsay nagapang-edarun 21 anyos kag pumoluyo sang Brgy. Ma-ao syudad sang Bago.
Ginpakig-angutan naman ni Aizpuro ang Kapitan sang Brgy. Ayungon agud makuha na ang mga nagalinapta nga tubo sa dalan kag wala na sang dugang pa nga mga aksidente nga matabo sa nasambit nga lugar.
[image: image.png]
